+7 (777) 001 44 99
Қазақша
Русский
English
05 қаңтар 2023 | 12:26
Мәжіліске қаңтар оқиғасында қаза тапқан полицейдің анасы келді
Алматыда қаңтардағы тәртіпсіздіктер кезінде қаза тапқан полиция қызметкері Нұрболсын Алмасовтың анасы кейінгі өмірі туралы айтып берді, - деп хабарлайды Tengrinews.kz тілшісі.
ПОДЕЛИТЬСЯ
Алматыда қаңтардағы тәртіпсіздіктер кезінде қаза тапқан полиция қызметкері Нұрболсын Алмасовтың анасы кейінгі өмірі туралы айтып берді, - деп хабарлайды Tengrinews.kz тілшісі.
Алматы Полиция департаментінің қызметкері Нұрболсын Алмасов 7 қаңтарға қараған түні Көк-Төбе телемұнарасын күзету кезінде қаза болған.
"Ол отбасындағы кенже ұлым, екі ұлым, екі қызым бар. Олар Көк-Төбені қорғауға кеткен, сол кезде көліктеріне оқ жаудырған. Ол Полиция департаментінде терроризмге қарсы бөлімде жұмыс істеді, онда ол бар болғаны 8 ай қызмет етті. 6-7 қаңтар аралығында қаза болды. Сағат таңғы 10-да маған келді. Ол 27 жаста еді. Ол оқ жарақатын алған, жалғыз қайтыс болды, жанындағы тағы екі қызметкер жараланған, бірақ олар тірі қалды. Ол жалғыз кетті. Көк-Төбеге барып, есімізге аламыз", - дейді марқұм полицейдің анасы Гүлсім Сейталиева.
Әйелдің айтуынша, ұлын өлтіргендер әлі табылмаған.
"Тергеу жүріп жатыр дейді. Анықталады, әзірге ештеңе айтпайды, Алматы Полиция департаменті үнемі телефон соғады. Соларға рақмет, денсаулығымды сұрап, мерекелермен құттықтайды, әріптестері біздің үйге келіп, оны еске алады, оның қандай батыл, көңілді болғанын айтады. Ол балам көңілді еді. Бір жағынан олардың келіп, ұмытпай жүргендеріне мен де ризамын", - дейді Гүлсім Сейталиева.
Полицейдің анасы Нұрболсын Алмасовтың наурызда үйленбекші болғанын айтты.
"Біз оны наурызда үйлендіреміз деп ойлап жүр едік, оның сүйіктісі келеді, достары келеді, бірақ не істей аламыз? Оның тағдыры осындай. Құдай кінәлі адамдарды өзі жазалайды, мен ештеңе айтпаймын, мен ешкімге жамандық тілемеймін", - деп түйіндеді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
