Мәжілісте комитеттердің төрағалары сайланды

Мәжілістің VIII шақырылымының депутаттары комитеттер санын анықтап, олардың төрағалары мен құрамын сайлады, - деп хабарлайды Tengrinews.kz тілшісі.

Аграрлық мәселелер комитетіне "Ауыл" партиясының мүшесі Серік Егізбаев басшы болды.

Заңнама және сот-құқықтық реформа комитеті – Amanat партиясынан депутат Снежанна Имашева.

Халықаралық істер, қорғаныс және қауіпсіздік комитеті – Amanat партиясының депутаты Айгүл Құспан.

Қаржы және бюджет комитеті – Amanat партиясының депутаты Мәди Тәкиев.

Экология және табиғатты пайдалану комитеті – Amanat партиясынан депутат Еділ Жаңбыршин.

Экономикалық реформа және өңірлік даму комитеті – Amanat партиясынан депутат Нұртай Сабильянов.

Сілтемесіз жаңалық оқисыз ба? Онда Telegram желісінде парақшамызға тіркеліңіз!