Мамырда Қазақстанның қай аймақтарында құрғақшылық күтіледі?

Синоптиктер мамырда Қазақстанның қай өңірлерінде құрғақшылық күтілетінін айтты, - деп хабарлайды Tengrinews.kz тілшісі.

Сәуірде жауған жауын-шашынды және ауа райы болжамын ескере отырып, Қазақстан аумағында құрғақшылық қаупі бар аумақтардың ауданы ұлғаятыны айтылды.

Құрғақшылық күтіледі:

• Қызылорда облысының Қармақшы және Шиелі аудандарында;
• Қостанай облысының Амангелді ауданында;
• Қарағанды облысының Шет ауданында.

Бірқалыпты ылғалды жағдай болжанады:

• Қостанай облысының Қарасу ауданында;
• Ақмола облысының Ақкөл, Атбасар және Сандықтау аудандарында;
• Павлодар облысының Ақтоғай, Успенка аудандарында және Павлодар қаласының маңайында;
• Батыс Қазақстан облысында Бурлин, Шыңғырлау, Сырым және Қаратөбе аудандарында;

Елдің қалған аймағында мамыр айында ылғалдану көпжылдық мәндерге жуық деп есептелген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!