Маңғыстау полициясы: Ақтауда жолдар жабылмайды

Маңғыстау облысының әкімшілік орталығында және аудандарда жолдар жабылмайды. Бұл туралы облыстық полиция департаменті баспасөз қызметінің өкілдері мәлімдеді, - деп хабарлайды Lada.kz. 

Желіде бүгін, 11 сәуірде, Қазақстан Президенті келуіне байланысты жолдар жабылатыны туралы ақпараттар тараған. 

Полиция өкілдері, жолдарды жабу жоспарда жоқ екенін айтты. 

Әкімдік баспасөз қызметінің өкілдері жоғарғы лауазымды тұлға келеді деп күтілетінін айтады. 

Айта кетейік, кеше Ақтау тұрғындары жолдардың жабылуы туралы ақпаратқа наразылық білдірген еді.