+7 (777) 001 44 99
Қазақша
Русский
English
31 қазан 2017 | 14:28
Маңғыстауда "үлгілі ауыл" байқауы ұйымдастырылды
Маңғыстауда Елбасының "Болашаққа бағдар: рухани жаңғыру" мақаласының "Туған жер" бағдарламасы аясында ұйымдастырылған "Үлгілі ауыл" байқауы өз мәресіне жетті, - деп хабарлайды Маңғыстау облысы әкімінің баспасөз қызметі.
ПОДЕЛИТЬСЯ
Маңғыстауда Елбасының "Болашаққа бағдар: рухани жаңғыру" мақаласының "Туған жер" бағдарламасы аясында ұйымдастырылған "Үлгілі ауыл" байқауы өз мәресіне жетті, - деп хабарлайды Маңғыстау облысы әкімінің баспасөз қызметі.
Ауылдық елді мекендерде адам өмiрi мен денсаулығы үшiн қолайлы ортаны қалыптастыру мақсатында Маңғыстау облысы әкімдігінің қолдауымен өткізілген бұл конкурсқа тұрғылықты халық саны 3 мыңнан асатын және 3 мыңнан аз ауылдар қатысты. Аудан ішінен үздік деп танылған ауылдар облыстық байқауға ұсынылды.
Әр ауылда тұрғындарға қолайлы жағдай жасау үшін жасыл архитектура жоспары жасалып, көгалдандыру, абаттандыру жұмыстары жоспарлы түрде жүргізілуде. Мысалы, өңірдегі су тапшылығына қарасмастан Таушық ауылында аумағы 3,2 гектар орталық саябаққа 900 түп ағаш отырғызып, баптап келеді. Сондай-ақ, көше бойына 672 электр шамы орнатылып, толық жарықтандырылған.
Арнайы жасақталған жұмыс тобы байқауға ұсынылған 8 ауылды аралап, олардың ерекшеліктері бойынша анықтама әзірледі. "Үлгілі ауыл" облыстық байқауын сарапшы комиссия төмендегідей қортындылады:
1. Тұрғылықты халық саны 3 мыңнан асатын ауылдар арасындағы байқау қорытындысы бойынша:
I орын – Түпқараған ауданының Таушық ауылына 10 миллион теңге сыйақы;
II орын – Қарақия ауданының Жетібай ауылына 7,5 миллион теңге сыйақы;
III орын – Бейнеу ауданының Боранқұл ауылына 5 миллион теңге сыйақы;
Ынталандыру сыйлығы – Мұнайлы ауданының Дәулет ауылына 2 миллион теңге сыйақы берілді.
2. Тұрғылықты халық саны 3,0 мыңнан аз ауылдар арасындағы байқау қорытындысы бойынша:
I орын - Маңғыстау ауданының Үштаған ауылына 10 миллион теңге сыйақы;
II орын - Қарақия ауданының Сенек ауылына 7,5 миллион теңге сыйақы;
III орын – Бейнеу ауданының Сарға ауылына 5 миллион теңге сыйақы;
Ынталандыру сыйлығы - Түпқараған ауданының Қызылөзен ауылына 2 миллион теңге сыйақы табысталды.
Байқау шартына сәйкес жеңімпаз атанған ауылдар сыйақының 80 пайызын көгалдандыру, абаттандыру жұмыстарына жұмсауы тиіс. Ал 20 пайызынан аспайтын мөлшерде ауыл нысандарын көгалдандыру, абаттандыру және санитарлық тазалау жұмыстарына үлес қосқан заңды және жеке тұлғаларды марапаттауға ұсынылды. Аталмыш байқау жыл сайын дәстүрлі түрде өткізілетін болады.
Показать комментарии
Читайте также
