Маңғыстау облысында бірқатар компания төрт сағаттық жұмыс уақытына ауысты

Маңғыстау облысында бірқатар компания төрт сағаттық жұмыс күніне ауысты, - деп хабарлайды lada.kz.

Маңғыстау облысы Еңбек басқармасының жетекшісі Әлігер Іңкәровтің айтуынша, мұндай өзгеріс қызметкерлердің құқығын шектемейді. "Еңбек кодексінің 48-бабына сәйкес, жұмыс берушілер еңбек жағдайларын өзгерте алады. Егер кәсіпорында жұмыс көлемі азайып, экономикалық көрсеткіштері төмендесе, ол қызметкерлеріне бір ай бұрын ескерту арқылы толық емес жұмыс күніне ауыса алады", - деді ол.

Іңкәров қазіргі уақытта облыста үлкен қысқартулардың болып жатпағанын айтты. "Кәсіпорындарда толық емес жұмыс күніне өту болып жатыр. Ең бірінші сервис компаниялары зардап шегіп жатыр", - деді ол.

Сонымен қатар, басқарма басшысының айтуынша, жұмыс берушілер қызметкерлерді жұмыс орнын сақтай отырып, ақысыз демалысқа жібере алады. "Дегенмен ол кейін бұл қызметкерлерге мүмкіндік болған жағдайда жұмыс тауып беруге міндетті", - деді Іңкәров.

"Еңбек кодексінің аясында инспекторлар жұмыстан кету жағдайын тексере алады, дегенмен жұмысты қалпына келтіре алмайды. Жұмысшы сотқа бере алмайды, сонымен қатар, сот шешімімен жұмысын қайтарып ала алмайды", - деді ол.