+7 (777) 001 44 99
Қазақша
Русский
English
06 сәуір 2022 | 13:49
Марат Омаровтың қызы World Dance байқауында жүлдегер атанды
Танымал қазақстандық әнші әрі композитор Марат Омаровтың қызы Мариям Лос-Анджелесте өткен World Dance байқауында екінші орын алды, - деп хабарлайды Tengrinews.kz тілшісі.
ПОДЕЛИТЬСЯ
Танымал қазақстандық әнші әрі композитор Марат Омаровтың қызы Мариям Лос-Анджелесте өткен World Dance байқауында екінші орын алды, - деп хабарлайды Tengrinews.kz тілшісі.
16 жастағы биші танымал GRaVy Babies командасының құрамында өнер көрсетеді. Мариям бұл командаға 200 үміткер қатысқан кастингтен өтіп кірген болатын. Бұған дейін ол Snowtoriou командасының құрамында билеген.
"GRaVy Babies командасына кастингтен өткеніме қуаныштымын, бұл менің ең басты мақсатым еді. Себебі бұл топ 18 жасқа дейінгі кәсіби бишілер арасындағы ең күшті және ең танымал. Қазір біз маңызды чемпионаттардың біріне дайындалып жатырмыз. Әрине, қиындықтар болды, бірақ бұл өсу мен дамуға алып келеді", - деді ол.
Мариям алты жасынан бастап хореографиямен айналысады. АҚШ-та ол Дженнифер Лопес пен Джастин Бибердің би мектебінде жаттығады.
Айта кетейік, оның әкесі Марат Омаров қазір АҚШ-та қазақ-американ қарым-қатынасын нығайту бағытында жұмыс жасап жатыр. Ол АҚШ-тың бірқатар штаттарында бірнеше концерт берді.
"Америкада жүргенімізге үш ай болды, үш айда жаңа таныстық, даму болды. Бірақ бәрі сіздер ойлағандай оңай емес. Бәрі өзімізге байланысты", - деп бөлісті Марат Омаров.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
