Марат Тәжин Мемлекеттік хатшы қызметінен босатылды

Нұрсұлтан Назарбаев Марат Тәжинді Мемлекеттік хатшы қызметінен босату туралы жарлыққа қол қойды деп хабарлайды Tengrinews.kz Ақорданың баспасөз қызметіне сілтеме жасап."Марат Мұханбетқазыұлы Тәжин басқа жұмысқа ауысуына байланысты Қазақстан Республикасының Мемлекеттік хатшысы қызметінен босатылды" - делінген таратылған хабарламада.Мемлекет басшысының жарлығына сәйкес, Қазақстан Республикасының Мемлекеттік хатшысы міндетін уақытша атқару Президент әкімшілігінің басшысы Кәрім Мәсімовке жүктелді. Марат Тәжин әр жылдары Жемқорлықпен күрес жөніндегі мемлекеттік комиссия төрағасы міндетін атқарды. Ұлттық қауіпсіздік комитеті төрағасы, ҚР Сыртқы істер министрі болды. Президенттің ұлттық қауіпсіздік мәселелері жөніндегі көмекшісі, ҚР Қауіпсіздік кеңесі хатшысы қызметін атқарды.