+7 (777) 001 44 99
Қазақша
Русский
English
02 қараша 2020 | 15:48
"Мәселе шешілді". Семейдегі ПТР-тест зертханасындағы кезекке қатысты түсініктеме берілді
Шығыс Қазақстан облысының тауарлар мен көрсетілетін қызметтердің сапасы мен қауіпсіздігін бақылау департаментінің өкілдері Семейдегі ПТР-тест зертханадағы кезекке қатысты түсініктеме берді, - деп хабарлайды Tengrinews.kz тілшісі.
ПОДЕЛИТЬСЯ
Шығыс Қазақстан облысының тауарлар мен көрсетілетін қызметтердің сапасы мен қауіпсіздігін бақылау департаментінің өкілдері Семейдегі ПТР-тест зертханадағы кезекке қатысты түсініктеме берді, - деп хабарлайды Tengrinews.kz тілшісі.
Ведомство өкілдері кезекке қатысты мәселе шешілгенін айтты.
"Әлеуметтік желілерде, мессенджерлерде Өскемен және Семей қалаларының тұрғындары зертханаларда уақытылы ПТР-тест тапсыра алмағаны туралы хабар тарады. 2020 жылдың 2 қарашасында сағат 12:00-ге дейін осындай жағдайдың болғаны рас. Шығыс Қазақстан облысының тауарлар мен қызметтердің сапасы мен қауіпсіздігін бақылау департаменті бұл проблеманы реттеп, кезекке қатысты мәселені шешті", - дейді департамент өкілдері.
3 қарашадан бастап қосымша екі зертхана ашылады. Жалпы Шығыс Қазақстан облысында 10 клиника зерттеу жүргізеді.
"Облыс бойынша 298 547 зерттеу жүргізілді. Орта есеппен күніне 2000-2200 зерттеу жасалады", - дейді ұйым өкілдері.
Еске салайық, бүгін Семейдегі ПТР-тест зертханасының алдында ұзын-сонар кезек пайда болғаны хабарланды. Зертханалардағы жағдай көліктегі бас мемлекеттік санитар дәрігердің қаулысы шыққаннан кейін басталған көрінеді. 2 қарашадан бастап шығыс қазақстандықтарға жолаушылар пойызы мен ұшаққа ПТР-тестінің нәтижесі болмаса өңірден шығуға тыйым салынған.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
