Мемлекет басшысы бірқатар тағайындау жасады

Мемлекет басшысы Қасым-Жомарт Тоқаев бірқатар тағайындау жасады, - деп хабарлайды Tengrinews.kz тілшісі. 
 
Қазақстан Республикасы Сыртқы істер министрлігінің Ерекше тапсырмалар жөніндегі елшісі Ерлік Шәкірұлы Әли Қазақстан Республикасынан Шанхай ынтымақтастығы ұйымы қызметінің мәселелері жөніндегі Ұлттық үйлестіруші қызметіне тағайындалды. 

Сонымен қатар, Нұрболат Еркебайұлы Топаев Қазақстан Республикасы Қарулы Күштері Әуе қорғанысы күштері Әскери-әуе күштерінің қолбасшысы қызметіне келді. Оның алдында бұл қызметте Дәурен Жұматайұлы Қосанов болған.

Нұрлан Мұсақанұлы Қашағанов "Шығыс" өңірлік қолбасшылығы әскерлерінің қолбасшысы қызметінен босатылды. Оның орнына Асан Қуанышұлы Жүсіпов келді.