Мемлекет басшысы ҚазҰМУ ректорын қызметінен босатты

Назарбаев ҚазҰМУ ректоры Айқан Ақановты қызметінен босатты, - деп хабарлайды Tengrinews.kz тілшісі Ақорданың баспасөз қызметіне сілтеме жасап.

"Мемлекет басшысының Өкімімен Айқан Ақанұлы Ақанов С.Ж.Асфендияров атындағы Қазақ ұлттық медициналық университетінің ректоры қызметінен босатылды", - делінген ҚР Президенті сайтында.

Ақанов университет ректоры қызметіне 2008 жылы келген болатын. 2004-2006 жылдары ол ҚР денсаулық сақтау вице-министрі қызметін атқарды.