Мемлекеттен әлеуметтік қолдауды кімдер ала алады: тізім

Қазақстанда әлеуметтік қолдауға құқығы бар азаматтар санаттары бекітілді. Тиісті бұйрыққа премьер-министрдің орынбасары – ұлттық экономика министрі Серік Жұманғарин қол қойды, - деп хабарлайды Tengrinews.kz тілшісі.

Әлеуметтік қолдауға құқығы бар жекелеген тұлғалар тізімі жаңа Салық кодексі аясында әзірленген. Оны бекітетін бұйрық кодекспен бірге 2026 жылғы 1 қаңтардан бастап күшіне енеді.

Әлеуметтік қолдауға құқығы бар жеке тұлғалардың жекелеген санаттарына кіреді:

• арнаулы мемлекеттік жәрдемақы алушы;
• мемлекеттік әлеуметтік жәрдемақыларды алушы;
• арнаулы әлеуметтік көрсетілетін қызметтерді алушылар;
• зейнетақы төлемдерін алатын мүгедектігі бар адамдар;
• он сегіз жасқа толмаған жетім бала және (немесе) ата-анасының қамқорлығынсыз қалған бала;
• мемлекеттік атаулы әлеуметтік көмек алушы;
• әлеуметтік мәні бар аурулардың тізбесіне кіретін ауруы бар тұлға;
• айналадағылар үшін қауіп төндіретін аурулар тізбесіне кіретін ауруы бар тұлға;
• екі айдан астам еңбекке уақытша жарамсыздық мерзімі белгіленген аурулардың тізбесіне кіретін ауруы бар тұлға;
• кейбір созылмалы аурулардың ауыр түрлерінің тізіміне кіретін ауруы бар тұлға болып табылатын жеке тұлғалар жатады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!