+7 (777) 001 44 99
Қазақша
Русский
English
08 желтоқсан 2021 | 13:10
Мерекелерден қорқамын - Цой Қазақстандағы эпидемиологиялық жағдай туралы
Денсаулық сақтау министрі Алексей Цой Қазақстанда эпидемиологиялық жағдай нашарласа, коронавирусқа қатысты жаңа шектеулер енгізуге тура келетінін айтты, - деп хабарлайды Tengrinews.kz тілшісі.
ПОДЕЛИТЬСЯ
Денсаулық сақтау министрі Алексей Цой Қазақстанда эпидемиологиялық жағдай нашарласа, коронавирусқа қатысты жаңа шектеулер енгізуге тура келетінін айтты, - деп хабарлайды Tengrinews.kz тілшісі.
"Біз басқа елдерде "омикрон" штамы қалай таралып жатқанын көріп отырмыз. (Ресейде "омикрон" штамы тркелді. - Шамамен). Осыған ұқсас Eta штамы да, "лямбда" да белсенді түрде барлық елде таралып жатыр. Сондықтан біз көршілерімізді бақылап отыруымыз керек. Біз ресейлік әріптестерімізбен байланыстамыз. Егер бұл штамм жаппай таралатын болса, тиісті шаралар қабылданатын болады", - деп жауап берді Цой Мәжіліс сыртында.
Оның айтуынша, соңғы бір айда Қазақстанда коронавирус жұқтырғандар саны екі есеге жуық азайған.
"Жағдайымыз жақсарғанын жедел жәрдемге келіп түскен қоңыраулар мен ауруханадағы адамдардың санына қарап бағалауға болады. Науқас өзін нашар сезінсе, міндетті түрде дәрігерге барып қаралады. Қазір ауруханаларда емделушілер саны азайып келеді, біз оны көріп отырмыз. Сонымен қатар, вакцинация пайызы артты, мұның бәрі бір-бірімен тығыз байланысты", - деп қосты ол.
Денсаулық сақтау министрлігінің басшысы коронавирус жойылмағанын ескертті.
"Мереке күндеріне қатысты үлкен қорқыныш бар. Ұжымдық кештерге, ірі іс-шараларға бармай қарсы тұру керек. Өйткені вакцинацияланғанына қарамастан, инфекция жұқтыру қаупі жоғары. Қоғамдық тамақтану орындары инфекция жұқтырудың негізгі ошағы болып табылады. Тасымалдаушылар бұл жерде бетперделерін шешіп, ұзақ уақыт бойы әлеуметтік қашықтықты сақтамайды.
Бұл кезең алаңдатарлық, бірақ барлығы азаматтарға байланысты. Егер коронавирус қайта оралса, біз кейбір қосымша шектеулерді қайта енгізуіміз керек. Мұның алдын алуға болады, бәрі өз қолымызда", - деп түйіндеді сөзін Алексей Цой.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
