+7 (777) 001 44 99
Қазақша
Русский
English
05 қыркүйек 2024 | 09:27
Миллиард теңгеге жуық залал: үш қазақстандық сотталды
Ақтөбе облысында үш фермер асыл тұқымды мал сатып алудың орнына мемлекет тарапынан бөлінген миллиард теңге субсидияны заңсыз қолма-қол ақшаға айналдырып алған. Олардың барлығы сотқа жеткізіліп, бас бостандығынан айырылды, - деп хабарлайды Tengrinews.kz тілшісі.
ПОДЕЛИТЬСЯ
Ақтөбе облысында үш фермер асыл тұқымды мал сатып алудың орнына мемлекет тарапынан бөлінген миллиард теңге субсидияны заңсыз қолма-қол ақшаға айналдырып алған. Олардың барлығы сотқа жеткізіліп, бас бостандығынан айырылды, - деп хабарлайды Tengrinews.kz тілшісі.
Қаржы мониторингі агенттігі "Аграрлық несие корпорациясы" АҚ Ақтөбе филиалында асыл тұқымды мал өсіруге несие алу кезіндегі алаяқтық деректерін анықтады.
Тергеу барысында төрт шаруа қожалығының өкілі бола тұра, жалған құжаттарды пайдаланып, асыл тұқымды мал сатып алуға бөлінген мемлекеттік субсидия мен несие қаражатын өндіріп алған үш тұрғын анықталды.
"Заңсыз іс-әрекеттер нәтижесінде мемлекетке аса ірі көлемде, жалпы сомасы бір миллиард теңгеге жуық залал келтірілді, келтірілген залал өтелді", - деп хабарлады ведомствоның баспасөз қызметі.
Агроөнеркәсіп кешенінде аса ірі көлемде алаяқтық жасағаны үшін үш фермердің әрқайсы бес жылға бас бостандығынан айырылды. Сотталғандардың жылжымалы және жылжымайтын мүлкі мемлекет пайдасына тәркіленген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
