Министр "Абу-Даби Плаза" жұмысшыларының төбелесінен зардап шеккендердің жағдайы жайлы айтып берді

ҚР денсаулық сақтау министрі Елжан Біртанов Астанадағы "Абу-Даби Плаза" құрылыс алаңында болған төбелестен зардап шеккендердің жағдайы жайлы айтып берді, - деп хабарлайды Tengrinews.kz тілшісі.

"Зардап шеккен бірнеше адам болды. Қазақстан азаматтары да, Үндістан азаматтары да бар. Ауыр жарақат алғандар жоқ, екеуі ауруханаға жатқызылды. Біреуі қазақстандық, екіншісі Үндістан азаматы. Қазіргі уақытта олардың жағдайы қанағаттанарлық. Түрлі деңгейде жарақат алған, денелері көгерген, миы шайқалған. Қазір олар ауруханада", - деді министр.