Министр Астана - Павлодар тасжолының реконструкциясы қашан аяқталатынын айтты

Қазақстанның инвестиция және даму министрі Жеңіс Қасымбек Астана - Павлодар тасжолының реконструкциясы қашан аяқталатынын айтты, - деп хабарлайды Tengrinews.kz тілшісі.

Оның айтуынша, Астана мен Павлодарды жалғайтын жол 75 пайызға дайын. Алайда Төртқұдық пен Пограничник аралығы әзірше проблемалық болып отыр. 

"Бұл аралықта ирандық ірі компания жұмыс істеді, бұл компания Қазақстанда бірқатар ірі жобаны жасаған. Алайда қаржылай қиындықтар мен ауыр қаржы жағдайына байланысты компания жұмыс көлемін орындай алмады. Қазіргі таңда жаңа компаниялармен келісімшарт жасасу бойынша жұмыстар жалғасып жатыр", - деді Жеңіс Қасымбек халыққа есеп беру кездесуінде.

2018 жылы автожол реонструкциясы толықтай аяқталады деп жоспарланған.