Министр Қазақстанның мемлекеттік қарызы туралы айтты

Қазақстанның мемлекеттік қарызы ЖІӨ-нің 30 пайызына тең. Бұл туралы ұлттық экономика министрі Әсет Ерғалиев мәлімдеді, - деп хабарлайды Tengrinews.kz тілшісі.

"Мемлекеттік қарызға байланысты мәселе біздің ерекше бақылауымызда. Бүгінгі таңда мемлекеттік қарыз деңгейі ЖІӨ-нің шамамен 30 пайызына тең. Айта кетейін, рейтинг агенттіктерінің үлкен үштігі еліміздің фискалдық-бюджеттік саясатының тұрақтылығын бағалап, мемлекеттік қарыз деңгейі төмен екенін атап өтті.

Еуроодақ елдерімен салыстыратын болсақ, оларда қарыз деңгейі шамамен 80 пайыз, ал ЭЫДҰ елдерінде орташа алғанда шамамен 100 пайыз", - деп жауап берді Ерғалиев.

Ол қарызды ұстауға шамамен 900 миллиард теңге бөлінгенін де айтты.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!