+7 (777) 001 44 99
Қазақша
Русский
English
03 қыркүйек 2022 | 12:30
Министр себепсіз жанжалдасқан отбасылар көше тазалап, жол салатынын айтты
Ішкі істер министрі Марат Ахметжанов жанжалдасқан отбасылар көше тазалап, жол салатынын, ал тұрмыстық зорлық-зомбылық дерегі зардап шеккендердің арызынсыз да тіркелетінін айтты, - деп хабарлайды Tengrinews.kz тілшісі.
ПОДЕЛИТЬСЯ
Ішкі істер министрі Марат Ахметжанов жанжалдасқан отбасылар көше тазалап, жол салатынын, ал тұрмыстық зорлық-зомбылық дерегі зардап шеккендердің арызынсыз да тіркелетінін айтты, - деп хабарлайды Tengrinews.kz тілшісі.
"Әкімшілік жаза мен ескертуді қоғамдық жұмыстармен ауыстыру мәселесі пысықталып жатыр. Бұл көшелерді, қоғамдық аумақтарды тазарту, жол салу және жөндеу, қала аумақтарын абаттандыру, сондай-ақ басқа да қоғамдық пайдалы жұмыстар", - деді министр.
Министірдің айтуынша, жазаның бұл түрі мінез-құлықты бақылауға әсерін тидіреді.
"Заңсыз әрекетті қайталап жасаған жағдайда тараптардың татуласу рәсіміне қойылатын талаптарды қатайту жоспарланып отыр. Бұл жанжалдасқандар мен басқа да тұлғаларға психологиялық қысым көрсету тәжірибесін тоқтатуға мүмкіндік береді", - деді министр.
Министр тұрмыстық зорлық-зомбылықты жәбірленушілердің арызынсыз тіркеуді ұсынды.
"Тұрмыстық құқықбұзушылықтарды тіркеуді анықтау сипатына көшу ұсынылды. Бұл полицияға жәбірленушілердің шағымынсыз - тұрмыстық зорлық-зомбылық дерегі бойынша әкімшілік құқық бұзушылық туралы істерді қозғауға мүмкіндік береді. Сонымен бірге, түпкілікті құқықтық бағаны сот береді, бұл шара жазаның бұлтартпастығы қағидатын қамтамасыз етеді", - деп атап өтті Ахметжанов.
Ол жанжалға қатысушыларды қамауға алуға 5 тәулік, қайталанатын қылмыстар үшін қамауға алу мерзімін 25 тәулікке дейін ұлғайту жоспарлары туралы айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
