+7 (777) 001 44 99
Қазақша
Русский
English
28 қазан 2021 | 12:06
Министрлік авиаотынның жетіспеушілігіне қатысты мәлімдеме жасады
Индустрия және инфрақұрылымдық даму министрлігі (ИДМ) Қазақстандағы авиаотынға қатысты жағдай туралы мәлімдеме жасады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
ПОДЕЛИТЬСЯ
Индустрия және инфрақұрылымдық даму министрлігі (ИДМ) Қазақстандағы авиаотынға қатысты жағдай туралы мәлімдеме жасады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
Министрлік елордалық әуежай мен SCAT әуекомпаниясының авиаотынның жетіспеушілігі туралы мәлімдемесіне жауап берді.
"Павлодар мұнай-химия зауытында (ПМХЗ) жөндеу жұмыстарына байланысты авиациялық отынның ішкі нарығында әуежайлар мен авиакомпанияларды авиакеросинмен қамтамасыз етуде және өндіруде белгілі бір қиындықтар бар.
Сонымен қатар, тұрақты жолаушылар және жүк рейстерін үздіксіз толтыру қамтамасыз етілді. ИДМ Энергетика министрлігімен бірлесіп, зауыттардан, жеке компаниялардан, "ҚазМұнайГаз - Аэро" ЖШС - дан ПМХЗ жұмысын ағымдағы жылдың 9 қарашасында қайта бастағанға дейін авиакомпаниялар мен әуежайларға авиаотынды жеткізу кестесін әзірледі", - делінген хабарламада.
Ведомствоның мәліметінше, әуежайлардағы авиаотынның қалдықтары 27,9 мың тоннаны құрайды, зауыттардан жөнелтілді және 9,2 мың тонна жолда, 15,6 мың тоннаға келісімшарт жасалды. Жалпы көлемі 53 мың тонна.
Қазан айының соңына дейін МӨЗ-де 2 мың тонна авиаотын шығарылады деп күтіліп отыр, оның ішінде Нұр-Сұлтан әуежайы үшін қосымша көлем бөлінеді. Сондай-ақ SCAT авиакомпаниясының Шымкент МӨЗ-нен авиакеросинді қосымша жеткізу жоспарлану үстінде.
"Елордалық әуежайда авиакеросиннің қалдығы 3,1 мың тоннаны құрайды. Жақын күндері 3,9 мың тонна (3 мың тонна - "ҚазМұнайГаз-Аэро" ЖШС, 0,7 мың тонна - "Петросан" ЖШС, 0,2 мың тонна - East fuel) жеткізу күтіліп отыр. Алматы әуежайындағы қалдық 5,4 мың тоннаны құрайды, жолда 4 мың тонна, 5,8 мың тонна келісімшарт жасалды.
Air Astana авиакомпаниясының қалдықтары 7,4 мың тонна, SCAT-1,7 мың тонна, 1,5 мың тонна келісімшарт жасалды. Тұрақты рейстерді тоқтата тұру күтілмейді", - деп толықтырды министрлік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
