Mudarabah Capital-дың сотталған басшысының анасы қарттар үйінде тұрып жатыр

Mudarabah Capital ЖШС басшысы Руслан Бұрқановтың анасы қарттар үйінде тұрып жатыр, - деп хабарлайды Tengrinews.kz тілшісі. Бұл туралы Алматыда өткен апелляциялық алқа отырысында Бұрқановтың адвокаты Анар Катебаева мәлімдеді.

"Руслан Бұрқанов - анасының жалғыз ұлы. Қазіргі уақытта оның анасы мемлекет қамқорлығында, қарттар үйінде тұрады. Өйткені жәбірленушілерге келтірілген шығынды өтеу үшін менің қорғауымдағы адам пәтерін сатуға мәжбүр болды", - деді адвокат.

Руслан Бұрқанов Mudarabah Capital компаниясының бас директоры болған. Ол 2021 жылғы қазанда қаржы пирамидасына қатысы бар деген айыппен қамауға алынды. Барлығы 12 адам сотқа тартылды. Іс бойынша айыпталушылар 262-бап бойынша сотталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!