Мұхтар Тінікеев Кәсіподақтар федерациясы төрағасының орынбасары болып тағайындалды

Мұхтар Тінікеев жаңа қызметке келді, - деп хабарлайды Tengrinews.kz тілшісі.

Бұл туралы экс-депутат Facebook желісіндегі парақшасында жазды.

"Құрметті достар! Кәсіподақтар федерациясы атқарушы комитетінде мені Қазақстан Республикасының Кәсіподақтар федерациясы төрағасының орынбасары етіп сайлады", - деп жазды Мұхтар Тінікеев. 

"Басқа жағдай болғанда келіспес те едім мүмкін, бірақ бұл жерде шахтерлерге қолдау көрсету керек болып тұр. Мен өмір бойы шахтерлерді қолдап келемін, оны көбі біледі. Олардың жасап жатқан ауыр еңбегін біле тұра, шахтерлердің құқығын қорғап жүремін", - деді Мұхтар Тінікеев Tengrinews.kz тілшісіне.

Айта кетейік, Мұхтар Тінікеев депутат қызметінен 2016 жылдың желтоқсанында кеткен болатын.