Наурыздағы мереке күндері Қытаймен шекарадағы автомобиль өткізу бекеттері жабылады

Қазақстан Республикасы Мемлекеттік кірістер комитеті наурыздағы мерекелерге байланысты Қытаймен шекарадағы автомобиль өткізу бекеттерінің уақытша жабылатынын хабарлады, - деп хабарлайды Tengrinews.kz тілшісі.

Автомобиль өткізу бекеттері жабылатын күндер:

• 8 наурыз – Халықаралық әйелдер күні;
• 21-23 наурыз – Наурыз мерекесі.

Осы күндері автокөлікпен шекарадан өту, жүк пен жолаушыларды өткізу уақытша тоқтатылады.

Теміржол өткізу бекеттері қалыпты режимде жұмысын жалғастырады, сондықтан жүк тасымалдаушылар мен жол жүруді жоспарлаған азаматтарға теміржол көлігін пайдалануға кеңес беріледі.

Жүргізушілер мен логистикалық компанияларға енгізілген шектеулерді ескере отырып, маршруттарын алдын ала жоспарлау ұсынылады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!