"Назар аударатын деңгей емес" - СІМ ресейлік насихатшылар туралы

Сыртқы істер министрлігі кейбір ресейлік насихат жүргізушілердің мәлімдемесіне қатысты пікір білдірді, - деп хабарлайды Tengrinews.kz тілшісі.

"Соңғы кездері оларға ешқандай реакция жасаудың қажеті жоқ сияқты. Өйткені сол эмоцияға толы сөздерді көріп жүрсіздер. Менің ойымша, бұл мұндай мәлімдемелерге назар аударатын деңгей емес", - деді Сыртқы істер министрлігінің ресми өкілі Айбек Смадияров.

Бұған дейін ресейлік үгітші Сергей Мардан Соловьев.Live арнасында елде Z символы бар тауарларды сатуға тыйым салынды деген хабарға байланысты Қазақстанға "ауыр зардаптар" болатынын меңзеген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!