Назарбаев Астанадағы кешкі серуенде ән тыңдап, сурет салды

Мемлекет басшысының баспасөз қызметі Нұрсұлтан Назарбаевтың кешкі серуенінің видеосын жариялады, - деп хабарлайды Tengrinews.kz тілшісі. 

4 шілдеде кешкісін Президент Астананың көрнекті орындарын аралай жүріп тұрғындарды мерекемен құттықтады, ал олар өз кезегінде Елбасын келе жатқан туған күнімен құттықтады. 

Арбатта Президент суретшілердің еңбегін тамашалап, өзі де сурет салып көрді. Осы жерде Елбасына қазақстандық қолөнершілердің бірегей туындыларын таныстырды. 

Назарбаев "Көзімнің қарасы" әнін шырқаған америкалық студент қыз Грейс Гарретті тыңдады. Соңында Елбасы Есіл жағалауындағы лазер шоуын тамашалады.