Назарбаев бірқатар мемлекетке Қазақстанның елшісін тағайындады

Қазақстан Президенті Нұрсұлтан Назарбаев бірқатар мемлекетке елші тағайындады, - деп хабарлайды Тengrinews.kz тілшісі Ақорданың ресми сайтына сілтеме жасап.

Мемлекет басшысының жарлығымен Шахрат Нұрышев Қазақстан Республикасының Қытай Халық Республикасындағы төтенше және өкілетті елшісі болып тағайындалды. 

Сонымен қатар, Қазақстан Республикасының Испания Корольдігіндегі төтенше және өкілетті елшісі Бақыт Дүйсенбаев Қазақстан Республикасының Андорра князьдігіндегі төтенше және өкілетті елшісі қызметін, Қазақстан Республикасының Швеция корольдігіндегі төтенше және өкілетті елшісі Дастан Елеукенов Қазақстан Республикасының Дания корольдігіндегі төтенше және өкілетті елшісі қызметін, Қазақстан Республикасының Малайзиядағы төтенше және өкілетті елшісі Данияр Сарекенов Қазақстан Республикасының Бруней-Даруссаламдағы төтенше және өкілетті елшісі қызметін қоса атқаратын болды.