1. Басты
  2. Біл
  3. Жаңалықтар
  4. Ел жаңалықтары

Назарбаев Халықаралық Түркі академиясының президентін қабылдады17 сәуір 2017, 18:56

© akorda.kz © akorda.kz

Мемлекет басшысы Нұрсұлтан Назарбаев Халықаралық Түркі академиясының президенті Дархан Қыдырәліні қабылдады, - деп хабарлайды Тengrinews.kz тілшісі Ақордаға сілтеме жасап. 

Кездесуде Елбасыға Түркі академиясының қызметі және Қазақстан Президентінің тапсырмаларының орындалуы жөнінде есеп берілді.  

Дархан Қыдырәлі Нұлсұлтан Назарбаевқа "Болашаққа бағдар: рухани жаңғыру" мақаласына қатысты Академия жұмысының перспективалары, сондай-ақ БҰҰ штаб-пәтерінде өткізілген халықаралық симпозиум мен "Ұлы дала" гуманитарлық форумының нәтижелері туралы баяндады.

Дархан Қыдырәлінің мәліметі бойынша, Халықаралық Түркі академиясы Моңғолия аумағында археологиялық қазба жұмыстарын жүргізіп, оның барысында көне түркі заманының жаңа жәдігерліктері табылған.

Мемлекет басшысы кездесу қорытындысы бойынша Академия жұмысын жоғары бағалап, бірқатар нақты тапсырма берді.