+7 (777) 001 44 99
Қазақша
Русский
English
17 қараша 2021 | 17:09
Назарбаев Қазақстан астанасында жаһандық форум өткізуді ұсынды
Нұрсұлтан Назарбаев Қазақстан астанасында жаһандық форум өткізуді ұсынды, - деп хабарлайды Tengrinews.kz тілшісі Elbasy.kz сайтына сілтеме жасап.
ПОДЕЛИТЬСЯ
Нұрсұлтан Назарбаев Қазақстан астанасында жаһандық форум өткізуді ұсынды, - деп хабарлайды Tengrinews.kz тілшісі Elbasy.kz сайтына сілтеме жасап.
"Астана клубының" отырысында сөйлеген сөзінде Қазақстанның Тұңғыш Президенті Ауғанстандағы жағдайды тұрақтандыру және ядролық қаруды таратпаудың нақты жұмыс істейтін механизмін әзірлеу үшін халықаралық деңгейде күш біріктіруге шақырды.
"Бірнеше жыл бұрын ядролық мемлекеттердің қатысуымен стратегиялық шабуылдаушы қаруларды кешенді түрде қысқарту бойынша қадамдық жоспарды әзірлеуді ұсындым, оны БҰҰ шешімімен қабылдауға болады. Жоспар жаппай қырып-жоятын қаруды сатып алу мен таратуға қарсы қатаң санкцияларды қамтуы керек. Бұл тұрғыда 70 белгілі әлемдік саясаткерлердің қолдауымен жүзеге асырылатын ядролық қауіпсіздік және ядролық қарудан азат әлем үшін жаһандық көшбасшылық альянсының маңызы зор", - деді Елбасы.
Нұрсұлтан Назарбаев жаһандық көшбасшылық альянсы стратегиялық шабуыл қаруларын жан-жақты қысқарту жоспарын талқылау үшін басты әрі қозғаушы күш бола алатынына сенім білдірді. Сондай-ақ, Елбасы Қазақстан астанасында ядролық қаруды таратпау және қарусыздану жөніндегі жаһандық форумды өткізуді ұсынды.
"Тек күш біріктіргенде ғана мен айтқан сын-қатерлер мен қауіптерге қарсы тұра аламыз. Сондықтан ашық, адал диалог маңызды. "Астана клубы" бүкіл Еуразия үшін жаңа идеялар мен шешімдердің бастамашысы болатынына сенемін", - деп түйіндеді Қазақстанның Тұңғыш Президенті.
Сонымен қатар, Нұрсұлтан Назарбаев Еуразиялық экономикалық одақ, Еуропалық Одақ, Шанхай ынтымақтастық ұйымы және жақында құрылған Түркі мемлекеттері Ұйымы арасындағы тікелей байланыстарды дамытуды ұсынды. Ол үшін "Үлкен Еуразия" төрт жақты экономикалық форумын құруды ұсынды.
Сондай-ақ, Тұңғыш Президенті әлем ядролық соғыс алдында тепе-теңдік орнатып жатқанын атап өтті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
