Назарбаев Оңтүстік Кореядағы Отан үшін құрбан болғандар монументіне гүл шоғын қойды

Нұрсұлтан Назарбаев Оңтүстік Кореяда Отан үшін құрбан болғандар монументіне барды, - деп хабарлайды Tengrinews.kz тілшісі Ақордаға сілтеме жасап.

Мемлекет басшысы Отан үшін құрбан болғандар монументіне гүл шоғын қою рәсіміне қатысып, бір минут үнсіздікпен боздақтар рухына тағзым етті.

Сондай-ақ Қазақстан Президенті Құрметті қонақтар кітабына қолтаңба қалдырды.

Еске сала кетейік, Мемлекет басшысы қазіргі уақытта Оңтүстік Кореяда мемлекеттік сапармен жүр. Нұрсұлтан Назарбаев Сеулде 11 қарашаға дейін болады. Сондай-ақ, Нұрсұлтан Назарбаевтың Корея Республикасының президенті Пак Кын Хе және іскер топтың өкілдерімен кездесуі жоспарланып отыр.