Назарбаев Оңтүстік Кореяға барады

Ардақ Құлтаев

Нұрсұлтан Назарбаев Оңтүстік Кореяға барады, - деп хабарлайды Tengrinews.kz тілшісі Ақордаға сілтеме жасап. Президенттің баспасөз қызметі Мемлекет басшысының қатысуымен өтетін алдағы іс-шаралар аңдатпасын жария етті.

"Қазақстан Президенті 9-11 қарашада мемлекеттік сапармен Корея Республикасында болады", - делінген хабарламада.

Сондай-ақ, Сеул қаласында Корея Республикасының Президенті Пак Кын Хемен және іскер топтар өкілдерімен кездесу өтеді деп жоспарланып отырғаны белгілі болды.

Еске салайық, қазіргі уақытта Мемлекет басшысы ресми сапармен Жапонияда жүр.

Тәуелсіздіктің 25 жылдығы Оңтүстік Корея Назарбаев Нұрсұлтан Жапония

Автор сұрағы

Жолдау

Пікірлер редакция тарапынан модерациядан өтеді

Пікірлерді оқу