Назарбаев Президенттің жалғыздығы жайлы айтты

Президент телерадиокешені Нұрсұлтан Назарбаевтың Мемлекет басшысының жалғыздығы неде екенін айтқан мұрағаттық видеоүзінді жариялады, - деп хабарлайды Tengrinews.kz тілшісі.

"Нағыз көшбасшының қиындығы, әрдайым тек алға қарайсың. Сен жетекші емес, бастаушысың. Қайда баратыныңды өзің білуің керек", - дейді Президент.  

Ол кеңесшілер мен көмекшілердің көптігі туралы айтты.

"Жазады, сараптайды, ұсынады, бірақ шешім қабылдайтын сен, олар жазғаны үшін жауап бермейді. Президент шешім қабылдап, сол үшін жауап беруі керек. Президенттің жалғыздығы осында. Сен осында жалғыз отырып, жұмыс істейсің", - деді Назарбаев.