Назарбаев: Қазақстан келіссөздер жүргізу үшін Астанада барлық тарапты қабылдауға дайын

Қазақстан Сирия бойынша келіссөздер жүргізетін елдердің барлығын қабылдауға дайын. Бұл туралы Нұрсұлтан Назарбаев ресей президенті Владимир Путинмен кездесуі барысында мәлімдеді, - деп хабарлайды РИА Новости.

"Сіздің ұсынысыңыз бойынша мәселенің шешімі: Астанада келлісөз жүргізу үшін Қазақстан барлық тарапты қабылдауға дайын. Кеше біз сізбен, Ердоғанмен (Түркия президенті) және Роуханимен (Иран президенті) сөйлестік... Олардың барлығы келісті, олар жұмыс істеп, кездесе алу үшін барлық жағдайды жасаймыз", - деп мәлімдеді Назарбаев.

Мұның алдында Владимир Путин Түркия президентімен Сириядағы қақтығысушы тараптардың Астанада келіссөз өткізуі туралы келіскен болатын. Оның айтуынша, Астанадағы кездесулер Женева келіссөздерін толықтыра алады. Кремльдің баспасөз қызметінің өкілдері Владимир Путин мен Хасан Роухани телефон арқылы сөйлесіп, Алеппоны босату бойынша сәтті операцияның Сирияны терроризмнен босатуда маңызды қадамы екенін атап өтті. 

Өткен аптада Мәскеуде РФ, Иран мен Түркияның Сыртқы істер министрліктері Сириядағы жағдайды, соның ішінде Аллепоны талқылады. Үш мемлекеттің де әскери күші Сирия аумағындағы жағдайларға қатысты болғандықтан, қорғаныс ведомствоның басшылары да келіссөздерге қатысты.