Назарбаев салқын тиіп сырқаттанып қалды

"Салқын тиіп сырқаттанып қалуына байланысты Қазақстан Республикасының Президенті Н.Ә.Назарбаев ем қабылдауда", - делінген Ақорданың хабарламасында. 

Армения президентінің баспасөз қызметіне сілтеме жасаған БАҚ-тардың мәліметінше, Нұрсұлтан Назарбаев 13 қазанда ресми сапармен Ереванға барады. 14 қазанда Ереванда Ұжымдық қауіпсіздік шарты ұйымына (ҰҚШҰ) мүше елдердің Ұжымдық қауіпсіздік Кеңесінің отырысы өтеді. Оған Армения, Беларусь, Қазақстан, Қырғызстан, Ресей және Тәжікстан президенттері қатысады деп жоспарланған.