Назарбаев сәуірде Әзірбайжанға барады

Қазақстан Президенті Нұрсұлтан Назарбаев сәуірде Әзірбайжанға барады, - деп хабарлайды РИА Новости Әзірбайжан СІМ басшысы Эльмар Мамедъяровқа сілтеме жасап.

"Келесі аптада Нұрсұлтан Әбішұлын Бакуге сапармен келеді деп күтіп отырмыз", - деді Мамедъяров Ресейдің Дипломатиялық академиясында Қазақстан-Әзірбайжан әріптестігінің дамуы жайлы сұраққа жауабында. 

СІМ басшысы энергетика саласында Әзірбайжан мен Қазақстаның арасында бірқатар үкіметаралық келісім барын еске салды. Айта кетейік, Назарбаев Әзірбайжанға өткен жылдың 12 қазанында баруды жоспарлаған еді, алайда суықтап қалғанына байланысты сапарын кейінге қалдырған.