Назарбаев Таиланд королінің қазасына байланысты көңіл айтты

Жеделхатта Таиланд королінің қайтыс болғаны туралы хабарды  Мемлекет басшысының зор күйзеліспен қабылдағаны айтылған, деп хабарлайды Тengrinews.kz тілшісі Ақорданың баспасөз қызметіне сілтеме жасап.

"Король Адульядетті парасатты басшы, мемлекеттеріміз арасында достық қатынастар орнауына және нығаюына ерекше үлес қосқан көрнекті тұлға ретінде қазақстандықтар әрдайым есте сақтайды", - деп жазылған көңіл айту жеделхатында.  

Нұрсұлтан Назарбаев қайғыға ортақтасып, өзінің және Қазақстан халқының атынан Прают Чан-Очаға, корольдің отбасы мүшелеріне және барша Таиланд халқына көңіл айтты.