Назарбаев Түркістан құрылысын жеделдетуге уәде берді

Мемлекет басшысы Нұрсұлтан Назарбаев Түркістан құрылысын жеделдетіп, оны тез арада дамытуға уәде берді, - деп хабарлайды Tengrinews.kz тілшісі.

"(... ) Түркістанды тез арада дамытамыз. Онда жақсы туристік орталық жасау керек. Қазірдің өзінде туристер барып жатыр, 100 мың турист болып қалды... Олардың санын әлі көбейтуге болады", - деді Назарбаев Ақмола облысындағы туристік нысандардың біріне бару кезінде.

Президенттің айтуынша, ол Қазақстанның барлық тоғыз курорттық жеріне барып қайтты.

Сондай-ақ, Мемлекет басшысы Алакөлге қатысты тапсырмалар берді.