Назарбаев университеті студентінің өлімі: қылмыстық іс қозғалды

Ғылым және жоғары білім министрі Саясат Нұрбек Назарбаев Университеті жатақханасынан мәйіті табылған студент қыздың өліміне қатысты пікір білдірді, - деп хабарлайды Tengrinews.kz тілшісі.

Министрдің айтуынша, полиция бұл істі Қылмыстық кодекстің 105-бабы бойынша ("Өз-өзіне қол жұмсауға дейін жеткізу") тергеп жатыр.

"Қазір Қылмыстық-процестік кодекс аясында ешқандай мәліметтер жарияланбайды. Біз тек полициямен бірлесіп жұмыс істеп жатқанымызды растай аламыз", – деді Нұрбек.

Журналистер министрден оқиға студенттер арасындағы жанжал салдарынан болуы мүмкін бе деп сұрады.

"Ештеңе айта алмаймыз. Тергеу аясында қосымша ақпаратты полиция департаменті береді деп келісілген", – деді шенеунік.

Айта кетейік, 18 маусымда Назарбаев университетінің студенті жатақханада өлі табылды. Университеттің баспасөз қызметі қыздың отбасы мен жақындарына көңіл айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!