Назарбаев Хельсинкиге келді

Қазақстан Президенті Нұрсұлтан Назарбаев Финляндия астанасы Хельсинкиге келді, - деп хабарлайды Tengrinews.kz тілшісі.

Осыған дейін Назарбаевтың 16-17 қазанда Финляндияға баратыны жайлы хабарланған болатын.

Сапар аясында Нұрсұлтан Назарбаевтың Финляндия Республикасының Президенті Саули Ниинистёмен шағын және кеңейтілген құрамдағы кездесуі, сондай-ақ Финляндияның іскер топтар өкілдерінің форумына қатысуы жоспарланып отыр.

Айта кетейік, Мемлекет басшысы биылғы 18-19 қазанда Бельгия Корольдігінің Брюссель қаласында өтетін "Азия-Еуропа" форумының (АСЕМ) 12-ші саммитіне қатысады.