Назарбаев Хорватияның бұрынғы президентімен кездесті

Нұрсұлтан Назарбаев Хорватия Республикасының бұрынғы президенті Степан Мессичпен кездесті, - деп хабарлайды Tengrinews.kz тілшісі Ақорда сайтына сілтеме жасап. 

Кездесуде Елбасы мәртебелі мейманға қошемет білдіріп, алдағы президент сайлауына тәуелсіз бақылаушы ретінде келгені үшін алғыс айтты. 

"Сайлауға бақылаушы ретінде келгеніңіз үшін рахмет. Сіз бұған дейінгі сайлау науқанына да қатысып, жұмысымызды жоғары бағалаған едіңіз. Сізге деген ризашылығым зор", - деді Қазақстанның Тұңғыш Президенті.