Назарбаев Жаңа жылды қайда қарсы алады?

Тележүргізуші Ғазиза Райымбек Instagram желісіндегі парақшасында Нұрсұлтан Назарбаевтың жаңажылдық қайырымдылық балына қатысқаны түсірілген видео үзінділерді жариялады, - деп хабарлайды Tengrinews.kz тілшісі.

Президент микрофонды алған соң Жаңа жылды қайда қарсы алатынын айтады.

"Президент Жаңа жылды қайда қарсы алады?" деп сұрап жатады. Өз кеңсемде, себебі жылды қайда қарсы алсаң сол жақта жұмыс істейсің", - деп әзілдеді Назарбаев.

Сондай-ақ, Президент барлығына бақыт тілеп, өсиет әңгімені еске алды.

"Барлығы да бақытты болғысы келеді. Ал маған осы бақытты қайда жасырып қоюға болады? Жерге жасырсам -тауып алады, суда жасырсам - тауып алады. Аспанда да тауып алады. Бірақ мен әрбір адамның бақытын жасырып көрейінші. Себебі біздің әрқайсысымыздың бойымызда бақыт бар. Тек оған ұмтылу керек, бақытқа жету үшін. Сіздерге бақыт тілеймін!", - деді Мемлекет басшысы.

Нұрсұлтан Назарбаев мемлекетті қалай гүлдендіру керектігі жайлы да айтып өтті.