Назарбаев жұмыс сапарымен Алматыға келді

Қазақстан Республикасының Президенті Нұрсұлтан Назарбаев жұмыс сапарымен Алматыға келді, - деп хабарлайды Tengrinews.kz тілшісі Ақордаға сілтеме жасап.

"Мемлекет басшысы Алматы қаласына жұмыс сапарымен келді. Сапар аясында бірқатар нысандарға бару жоспарланған", - делінген баспасөз хабарламасында.

Бүгін Назарбаев Түркия президенті Реджеп Ердоғанмен бірге Оңтүстік Қазақстан облысына барды. Түркия Республикасының президентінің мемлекеттік сапары аясында екі ел басшысы Түркістандағы Қожа Ахмет Яссауи кесенесінің маңындағы жаңа мешітке барды, сонымен қатар, мемлекет басшылары Қожа Ахмет Яссауи атындағы Халықаралық қазақ-түрік университетіне барды.