Назарбаевқа Қарасай ауданындағы дене шынықтыру және сауықтыру кешенінің құрылысы таныстырылды

Нұрсұлтан Назарбаев Қарасай ауданындағы дене шынықтыру және сауықтыру кешенінің құрылысымен танысты, - деп хабарлайды Tengrinews.kz тілшісі Ақордаға сілтеме жасап.

Қазақстан Президентіне бұл нысанның құрылысы жеке қаражат есебінен жүргізіліп жатқаны мәлімделді.

Дене шынықтыру және сауықтыру кешенінде бокс және күрес залдары, жүзу бассейні, теннис корты, жаттығу және әмбебап спорт залдары, 1000 орындық стадионы бар футбол алаңы, сондай-ақ медициналық кабинет пен кафе орналасатын болады.