+7 (777) 001 44 99
Қазақша
Русский
English
21 маусым 2023 | 18:00
Нобель лауреаты Путин мен Тоқаевтың әңгімесі туралы айтты
Қасым-Жомарт Тоқаев пен Владимир Путин Валдай форумында пікір алмасты. Белгілі журналист, "Новая газета" редакторы, Нобель сыйлығының иегері Дмитрий Муратов осы қысқа әңгіменің кездейсоқ куәгері болып қалған, - деп хабарлайды Tengrinews.kz тілшісі Globalnews.kz сайтына сілтеме жасап.
ПОДЕЛИТЬСЯ
Қасым-Жомарт Тоқаев пен Владимир Путин Валдай форумында пікір алмасты. Белгілі журналист, "Новая газета" редакторы, Нобель сыйлығының иегері Дмитрий Муратов осы қысқа әңгіменің кездейсоқ куәгері болып қалған, - деп хабарлайды Tengrinews.kz тілшісі Globalnews.kz сайтына сілтеме жасап.
Муратов бұл жағдай туралы Германияның Бонн қаласында өткен Global Media Forum 2023 форумында айтты.
Globalnews-тің Муратовтың Ресей мен Украина арасындағы геосаяси текетірестегі Қазақстанның рөлін қалай көретіні туралы сұрағына, журналист былай деп жауап берді:
"Мен Тоқаев пен Путиннің Валдай форумында болған бірегей әңгімесінің куәсі болдым. Президент Тоқаев Қазақстан ядролық қару ұстағысы келмейтінін айтты, өйткені оның басқа тартымдылығы бар: логистика және мәдени орталық, сауда үшін пайдалануға болатын кеңістік, бір жағы Еуропа, ал екінші жағы Азиядағы кеңістік. Ядролық қару - табысқа жетудің шарты емес. Бұған Тоқаевтың қасында отырған Путин жеке өзіне: "Саддам Хуссейн бұны мақұлдамас еді", - деп басылым Муратовтың сөзін келтірген.
Муратовтың айтуынша, Путин мемлекеттің ядролық қарудан бас тартуға дайын екеніне таңғалған.
"Президент Путин Саддам Хуссейннің өлімін ешкімге кешірмейді, Саддам Хуссейн сияқты өлгісі келмейді, ядролық державада билікке ие болу артықшылығынан бас тартпайды. Ал бұл Ресей мен Қазақстан арасындағы қазірдің өзінде көрініп тұрған үлкен, ең күрделі қайшылық. Бір ел өзінің нығаюы, милитаризация жолымен жүріп, ядролық қаруды әлемді қосполярлықтан көпполярлыға айналдыру құралы ретінде көрсе, екінші ел әртүрлі салада қалыпты сауда серіктес болғысы келеді. Бұл екі түрлі жол, біз қазір посткеңестік кеңістікте мұны көріп отырмыз".
"Мен Тоқаев пен Путинді антагонист деп айта алмаймын. Жоқ. Олар ынтымақтасуға мәжбүр, өйткені Қазақстан әрқашан Ресеймен, Ресей әрқашан Қазақстанмен шектеседі. Бірақ олардың мемлекеттік көзқарастары басқаша. Кімдікі дұрыс? Мен білмеймін. Тоқаев биліктегі мерзімін шектеді, бірақ Путин мұны істемеді. Ұзақ тарихи кезеңде кімдікі дұрыс шығатынын сіздермен бірге көрерміз. Егер тірі болсақ", - деді Дмитрий Муратов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
