Нөсер мен аптап: Қазақстандағы 3 күнге арналған ауа райы болжамы

"Қазгидромет" 11-13 маусымға арналған Қазақстандағы ауа райы болжамын ұсынды, деп хабарлайды Tengrinews.kz тілшісі.

Мәліметтерге сәйкес, батыс циклоны әлі де Қазақстанның басым бөлігіне ықпал етеді, соған байланысты ауа райы құбылмалы болады деп күтіледі.

Циклон ошағы елдің солтүстік-батысында болады, мұнда найзағай ойнап, жаңбыр жауады, жел күшейіп, дауыл тұрады және бұршақ жаууы мүмкін. Нөсер 11-13 маусымда Қостанай және Ақтөбе облыстарында, 11 маусымда Алматы мен Жетісу облыстарының таулы және тау бөктеріндегі аудандарында күтіледі.

Елдің оңтүстігінде күндізгі ауа температурасы +35...+40 градусқа дейін, оңтүстік-шығысында +30...+37 градусқа дейін көтеріледі.

Қазақстанның қалған аумағында температуралық фон айтарлықтай өзгермейді.

Синоптиктер Астана мен Алматыда күн күркіреп, жаңбыр жауатынын ескертті