+7 (777) 001 44 99
Қазақша
Русский
English
24 сәуір 2019 12:11
Нұр-Сұлтан қаласының бас полицейі тағайындалды
Нұр-Сұлтан қаласының полиция департаментінің басшысы болып полиция полковнигі Ержан Сәденов тағайындалды, - деп хабарлайды Тengrinews.kz тілшісі.
ПОДЕЛИТЬСЯ
Нұр-Сұлтан қаласының полиция департаментінің басшысы болып полиция полковнигі Ержан Сәденов тағайындалды, - деп хабарлайды Тengrinews.kz тілшісі.
Полиция департаментінің жаңа бастығын жеке құрамға Ішкі істер министрі Ерлан Тұргымбаев қала әкімі Бақыт Сұлтановпен бірге таныстырды.
Сәденов Ержан Сапарбекұлы 1968 жылы Шығыс Қазақстан облысында дүниеге келген. С. Аманжолов атындағы Шығыс Қазақстан мемлекеттік университетін, Қарағанды қаласындағы Қазақстан Республикасы ҰҚК-нің жоғарғы мектебін тәмамдаған.
Ішкі істер органдарында 1993 жылғы шілдеден бастап орта және аға басқарушы құрамның әртүрлі жедел лауазымдарында қызмет атқарған. Басшылық лауазымдардағы тәжірибесі мол.
Әр жылдары Риддер, Өскемен қалалары полиция басқармаларының, Шығыс Қазақстан облысы полиция департаментінің Есірткі бизнесіне қарсы күрес басқармасының бастығы, Маңғыстау облысының полиция департаменті бастығының бірінші орынбасары, ІІМ Жедел департамент бастығы, Көліктегі полиция департаментінің бастығы болып қызметті етті.
2016 жылғы маусымнан бастап Қазақстан Республикасы Ішкі істер министрлігі Ақмола облысының полиция департаментінің бастығы лауазымын атқарды.
Показать комментарии
Читайте также
