Нұр-Сұлтан орталығындағы көше жартылай жабылды

Нұр-Сұлтанда сол жағалаудың орталығындағы Ақмешіт көшесі жартылай жабылды, - деп хабарлайды Tengrinews.kz тілшісі елорда әкімдігінің ресми сайтына сілтеме жасап. 

"Жол желісін орташа жөндеу аясында Ақмешіт көшесінде Достық көшесінен Қонаев көшесіне дейінгі учаскеде құрылыс жұмыстары жүргізіліп жатыр. Осыған байланысты, 7-15 маусым аралығында көлік қозғалысын ішінара тоқтату жоспарланған", - делінген әкімдік сайтында. 

"Елорда тұрғындары мен қонақтары қала жолдарында кептеліс тудырмау үшін маршрутын алдын-ала жоспарлауы керек. Қолайсыздықтар үшін кешірім өтінеміз және жөндеу жұмыстарына түсіністікпен қарауды сұраймыз", - делінген хабарламада.

Қазақстан жаңалықтары. Соңғы жаңалықтар. Telegram желісінде бізге жазыл!