Нұр-Сұлтанда 93 жастағы науқас коронавирустан жазылып шықты

Нұр-Сұлтан қаласының дәрігерлері 93 жастағы науқасты коронавирустан емдеді, - деп хабарлайды Tengrinews.kz тілшісі елорда әкімдігінің сайтына сілтеме жасап,

Әкімдіктің мәліметінше, дәрігерлер Ақмола облысының арнайы қызмет көрсету орталығының 7 науқасын емдеген.

"Олар 7 сәуірден бастап № 3 көпбейінді қалалық балалар ауруханасында ем алды. Науқастардың арасында 1927, 1933, 1944, 1955, 1961 жылғы әйелдер мен 1978, 1984 жылғы ер адамдар бар. Пациенттер дәрігерлерге көрсетілген медициналық көмек пен қамқорлық танытқаны үшін алғыс білдірді", - делінген хабарламада.

Соңғы мәліметтер бойынша, елордада коронавирусты жұқтырудың 433 жағдайы тіркелді, 207 адам індеттен айықты.

Қазақстан жаңалықтары. Соңғы жаңалықтар. Telegram желісінде бізге жазыл!