+7 (777) 001 44 99
Қазақша
Русский
English
24 сәуір 2019 | 11:38
Нұр-Сұлтанда аула клубтары қалай жұмыс істеп жатыр
Елордамызда тұрмысы төмен отбасылардан шыққан 1500-ден аса бала тегін қосымша білім алып жатыр, - деп хабарлайды Тengrinews.kz тілшісі "Самұрық-Қазына" ҰӘҚ" АҚ Қоғаммен байланыс және маркетингтік коммуникациялар департаментіне сілтеме жасап.
ПОДЕЛИТЬСЯ
Елордамызда тұрмысы төмен отбасылардан шыққан 1500-ден аса бала тегін қосымша білім алып жатыр, - деп хабарлайды Тengrinews.kz тілшісі "Самұрық-Қазына" ҰӘҚ" АҚ Қоғаммен байланыс және маркетингтік коммуникациялар департаментіне сілтеме жасап.
"Самұрық-Қазына" ҰӘҚ" АҚ Басқарма төрағасы Ахметжан Есімов "Замандас" отбасылық аула клубында болды. Нұр-Сұлтан қаласындағы көпбалалы, толық емес және тұрмысы төмен отбасылардан шыққан 1500-ден аса бала аула клубтарына қатысып, қосымша білім алып жатыр.
Іс-сапар барысында Ахметжан Есімов үш аула клубтарының бірінде болып, жоба қатысушыларымен кездесті. Қор басшысы жасөспірімдердің мектептен тыс сапалы дамуы мен тәрбие алуына жағдай жасаудың маңыздылығын атап өтті.
Отбасылық аула клубтары балалар мен ересектерге ағартушылық, психологиялық қызмет ұсына отырып, олардың бос уақытын қызықты өткізуге жағдай жасайды. Балалар мен жасөспірімдер үшін клубта шахмат, тіл дамыту, театр өнері, арт-терапия, хореография, авиамодельдеу, каратэ, домбыра, би, вокал, тоғызқұмалақ, робототехника, гитара, гимнастика секілді үйірмелер мен спорт секциялары тегін жұмыс істейді. Ересектерге арналған "Бақытты отбасы" ата-аналық клубында психологиялық консультациялар, сондай-ақ ата-аналар үшін балалармен қарым-қатынас орнату бойынша семинарлар өткізіледі.
Елордада барлығы 3 аула клубы жұмыс істейді. Samruk-Kazyna Trust Әлеуметтік жобаларды дамыту қоры "Самұрық-Қазына" АҚ компаниялар тобының атынан бес жыл бойы аула клубтары бойынша жобаны жүзеге асырып келеді. Аула клубтары ашылғаннан бері шамамен 5000 бала қатысқан. Мұндай аула клубтарының желісін тек ел астанасында ғана емес, басқа аймақтарда да дамыту жоспарланып отыр.
Айта кеткен жөн, 2019 жылдың басынан бастап "Самұрық-Қазына" Ұлттық әл-ауқат қоры "Жас Самұрық" жобасын жүзеге асырып келеді, оған Жастар жылы аясында қазақстандық жас ұрпаққа қолдау көрсету бойынша бірқатар шаралар кіреді. Жобаның миссиясы - жастарды біріктіру, әлеуметтік маңызы бар іс-шараларға қатыстыру, шығармашылық әлеуетті дамыту, еңбек және жұмысқа орналасу саласындағы жастар ұйымдарының әлеуметтенуі мен жұмыс істеуі үшін жағдай жасау, сондай-ақ қазақстандықтардың болашақ ұрпақтарын қалыптастыру мен жан-жақты дамытудың әлеуметтік-экономикалық жағдайын жақсарту.
Показать комментарии
Читайте также
