Нұр-Сұлтанда боран: колледж студенттері онлайн оқиды

Нұр-Сұлтанда бірінші ауысымдағы колледж студенттері боран салдарынан қашықтан оқиды, - деп хабарлайды Tengrinews.kz тілшісі елорданың білім басқармасының баспасөз қызметіне сілтеме жасап.

"30 наурызда күн бұзылуына байланысты қала колледждерінде бірінші ауысымдағы студенттерге арналған сабақтар қашықтан оқыту форматында өткізіледі", - делінген хабарламада.

Айта кетейік, мектеп оқушылары бүгінде көктемгі демалыста.

Еске салайық, Нұр-Сұлтанда 29 наурыздан бастап ауа райына байланысты ескерту жарияланды. Қазгидромет мәліметінше, 30 наурызда да боран, көктайғақ және қатты жел болады. Жел екпіні секундына 25 метрге жетуі мүмкін.

Сілтемесіз жаңалық оқисыз ба? Онда Telegram желісінде парақшамызға тіркеліңіз!