+7 (777) 001 44 99
Қазақша
Русский
English
05 тамыз 2020 | 16:16
Нұр-Сұлтанда дәріні қымбат бағада сатқан 80 дәріханашы жазаланады
Нұр-Сұлтандағы полиция қызметкерлері 80-нен аса фармацевтті ұстады, - деп хабарлайды Tengrinews.kz тілшісі қалалық Полиция департаментінің баспасөз қызметіне сілтеме жасап.
ПОДЕЛИТЬСЯ
Нұр-Сұлтандағы полиция қызметкерлері 80-нен аса фармацевтті ұстады, - деп хабарлайды Tengrinews.kz тілшісі қалалық Полиция департаментінің баспасөз қызметіне сілтеме жасап.
Полиция қызметкерлері прокуратура қызметкерлерімен бірлесіп, заң бұзушылықтар анықталған медициналық препараттарды сату дерегін тексеру бойынша рейдтер жүргізуді жалғастырып жатыр. Қалалық дәріханалардың кейбір қызметкерлері денсаулық сақтау министрінің дәрі-дәрмектердің шекті бағадан асырмау туралы бұйрығын елемей, сату кезінде бағаны көтеруді жалғастырып жатыр.
"Полицейлер екі дәріханада "Гроприносин" препараты қымбат бағада сатылғанын анықтады. Момышұлы көшесіндегі дәріханада жалпы құны 40 мың теңге болатын 12 қорап препарат, сонымен қатар, Жеңіс даңғылындағы дәріханада жалпы құны 25 360 теңге болатын 8 қорап препарат тәркіленді", - делінген хабарламада.
Сондай-ақ, тәртіп сақшыларының мәліметінше, Жүргенов көшесіндегі дәріханада "Клексан" препараты 0,4 миллилитрі қымбат бағада сатылған. Тәркіленген дәрінің жалпы құны - 31 000 теңге.
"33 жастағы дәріханашыға қатысты материал ҚР ӘҚБК 426-бабы бойынша әкімшілік жауапкершілікке тарту үшін Нұр-Сұлтан қаласының тауарлар мен көрсетілетін қызметтердің сапасы мен қауіпсіздігін бақылау департаментіне жіберілді", - дейді полицейлер.
"Жалпы рейд жұмыстары басталғалы тәртіп сақшылары медициналық препараттарды сату бойынша 120 заң бұзушылықты анықтаған. 133 адам ұсталған, оның ішінде, 80 дәріханашы, 462 дәріханаға тексеру жүргізілген", - дейді баспасөз қызметінің өкілдері.
Жалпы 6 мың қорап дәрі-дәрмек, медициналық қорғаныш құралдар мен антисептик тәркіленген.
Тәркіленген препараттардың жалпы құны - 20 миллион теңге.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
