Нұр-Сұлтанда егіздер шеруі өтті

Нұр-Сұлтанда төртінші рет ұйымдастырылып отырған егіздер шеруіне еліміздің түкпір-түкпірінен 150 отбасы қатысты, - деп хабарлайды "Хабар 24" телеарнасы.

Телеарна мәліметінше, егіздер шеруінің тарихы осыдан бес жыл бұрын елордадағы шағын шеруден басталған. Пандемия кезінде шеру өткізілмеген, биыл триатлон саябағында қайта жиналды.

"Шерудің мақсаты - егіздеріміздің ынтымағы мен достығы. Балалар өздері секілді бір күнде дүниеге келген балалар барын білсін. Бірінші жылы 10 ана мен 20 бала қатысқан еді, қазір 145 анамен 320-ға жуық бала қатысып отыр, 10 жұп үшем, төртем, қалғаны егіз", - дейді шараны ұйымдастырушы Земфира Айтмұхамбетова.

Сілтемесіз жаңалық оқисыз ба? Онда Telegram желісінде парақшамызға тіркеліңіз!